Panadeiras

Clasificación xenérica

Pintura

Obxecto

Cadro

Título / denominación

Panadeiras

Autor / Cultura / Taller / CECA

Colmeiro, Manuel (1901-1999)
Manuel Colmeiro Guimarás
Chapa, Silleda, Pontevedra 1901- Salvaterra do Miño, Pontevedra 1999

Cronoloxía

1977/79

Dimensións

81,3 x 100 cm.

Materia / Soporte

Óleo/lenzo

Técnica construtiva / decorativa

Pintura

Estado de conservación

Bo

Descrición

Obra de formato rectangular. Escena na que aparecen catro figuras femininas. En primeiro plano, á esquerda, dúas mulleres de pé, unha en tres cuartos e outra de fronte, con senllos bolos de pan entre as súas mans e unha mesa con mantel branco sobre a que hai varios pedazos de pan.
En segundo plano, á esquerda, outras dúas figuras femininas de costas portando dous cestos.
Composición equilibrada de volumes contundentes. As figuras están realizadas a base de manchas de cor sen contornos e parecen emanar luz.
A paleta de cor é austera, baseada en grises de diferentes tonalidades e toques de amarelo e branco. A pincelada é solta.
A obra constitúe unha das series máis características do artista.

Exposicións

"M. Colmeiro a través da súa obra". Casa das Artes do Concello de Vigo e Sala de Exposicións do Centro Cultural Caixavigo. Do 25 de febreiro ata o 4 de abril de 1999.