[Sin título]

Obxecto

Prato

Autor / Cultura / Taller / CECA

Real Fábrica de Louza de Sargadelos (Cervo, Lugo)

Cronoloxía

3.ª época (1845-1862)

Dimensións

ALT: 2,8
GR: 0,1
DIÁM: 23,8 - 15

Materia / Soporte

Louza fina de pedernal

Estado de conservación

Regular

Descrición

Prato de sobremesa de bordo liso decorado con estampados en gris. O tema principal é unha viñeta con paisaxe imaxinaria romántica, cunha composición marcadamente escenográfica que se organiza en torno a un río en zig-zag, rochas, abundante vexetación. Unha ponte sobre a que hai dous personaxes con canas de pescar une os dous lados do río. Á dereita, edificios de altas torres rompen a horizontalidade e equilibra a composición unha árbore alta á esquerda; en último plano, edificios, unha embarcación a vela e montañas. Orla na á do prato a base de orla con uvas e follas de vide entre dúas pequenas orlas de encaixe.