Prato chairo de bordo liso e decoración realizada a man con pincel.
O tema central é un caravel rosa con finos talos negros, follas verdes e capullos azuis. Nas guardillas, cenefa de caraveis, unidos entre si por finos talos negros, follas verdes e capullos azuis.
As cores están aplicadas moi diluídas e están efectuadas con gran seguridade: coa simple pegada do pincel lógranse gradaciones de cor.
Xerra leiteira pertencente a un xogo de té ou de café para xogo infantil.
Presenta forma labeada con base poligonal e decoración feita a man con pincel, de cenefa de flores (clavelones) de cor vermella, unidos con finos talos negros e follas azuis (esta combinación de cores non é moi común nas louzas pintadas con flores).
Prato sopeiro con bordo poligonal. O tema central é un caravel grande ou mapoula en vermello intenso con finos talos negros e capullos azuis.
Nas guardillas, alternancia de clavelones vermellos unidos entre si por talos negros con follas verdes e capullos azuis.
As cores están aplicadas bastante diluídas e efectuadas con gran seguridade: coa simple pegada do pincel lógranse gradaciones de cor.
Prato chairo de bordo liso. Decoración pintada tipo floral: o motivo central está constituído por un gran clavelón en vermello, realizado a base de pinceladas soltas do que parten catro poliñas en negro en cruz, con follas verdes e capullos en azul.
Na guardilla do prato decoración de orla floral consistente en clavelones iguais ao central pero pequenos, en vermello, unidos entre si por finos talos negros dos que parten follas verdes dispostas en espiga e na metade de cada intervalo, capullos azuis.
Prato sopero de bordo liso. Decoración pintada de carácter floral: Destaca o motivo central que é unha flor (clavelón ou peonía) en gran tamaño, realizada en carmín, co pincel e a tinta moi diluída e con grandes trazos. Del parten catro poliñas en cruz en cor negra con follas verde-pardo e capullos e pequenas flores en azul.
A guardilla está completamente decorada a base dunha orla de flores idénticas á central unidas por intervalos de fino talo negro con follas e capullos azuis.
Prato chairo de bordo liso. Decoración floral consistente nun motivo central consistente nunha flor central con pétalos vermellos e botón amarelo no centro, da cal parten catro poliñas finitas negras con follas e flores azuis en forma de cruz.
Na guardilla, cenefa de talos e follas entrelazadas e estilizadas e catro flores iguais que a central.
Xerra en forma de barril con colo cilíndrico e pico. A decoración sitúase no colo, medio do bandullo e asa.
Tanto no colo coma no bandullo (máis ancha) decoración de orla floral a base de grandes flores vermellas (clavelones e peonias) que van enlazadas entre si con talos negros dos que parten follas verdes e botóns azuis. Toda a decoración se consegue a base de trazos soltos co pincel que se carga de tinta segundo o efecto desexado.
Forma redondeada con dúas asas laterais en forma de cuncha e tapadeira con pomo con relevos: tanto estes como os das asas foron seguidos polo pintor con trazos en negro marcando ben os debuxos do relevo.
No bandullo, decoración vexetal en orla a base de clavelones vermellos feitos a base de trazos soltos co pincel, unidos entre si por finos talos negros que sustentan follas verdes e, a intervalos regulares, poliñas con capullos azuis. Na tapa, igual decoración.
Cunca de té de forma troncocónica con pé. Presenta decoración floral a base de orla ancha de flores (rosas) en cor vermella carmín con ramas en negro e pequenos botóns. Todo está realizado con trazos rápidos e lixeiros. O bordo interno presenta un fileteado en cor negra.
Pratiño liso fondo para cunca de almorzo. Decoración pertencente á serie floral. Neste caso o motivo principal é o que ocupan as guardillas: cenefa grande a base de flores vermellas que poderían ser chavelones ou peonías unidos entre si por un fino talo negro con follas verdes e capullos azuis. No centro, pequena poliña con dúas follas e un capullo azul. Todo o debuxo conséguese a base de pinceladas soltas cargando máis ou menos as tintas para dar volumes.
Tazón ou cunco sen asas. Decoración pintada de tipo floral consistente nunha grilanda ou orla que ocupa case a totalidade do cunco, formada a base de clavelones vermellos feitos a base de trazos soltos con pincel, unidos entre si por segmentos de fino talo negro do que parten esquemáticas follas e a intervalos regulares capullos azuis; un destes capullos azuis, illados, aparece no fondo do cunco.
Tazón en forma troncocónica con pé. Presenta decoración floral consistente nunha cenefa de flores ( clavelones, peonías...) en vermello- carmín, realizados a base de trazos soltos co pincel, unidos entre si con segmentos de fino talo negro con follas en verde e negro e capullos azuis.
De forma poligonal presenta decoración de carácter floral.
O motivo central está constituído por unha rosa feita a base de grandes trazos soltos do que parten varios talos negros finitos con hojitas verdes e capullos vermellos.
Na á catro ramos de rosas e capullos. No bandullo pola parte de fóra outros dous ramitos iguais.
Prato pequeno fondo de bordo liso. Decoración floral esquematizada realizada a base de pequenos ramos con rosa vermella, talo negro, follas verdes e botóns azuis colocados na bufarda. No fondo pequeno ramo.
Os trazos permanecen soltos e cárganse as tintas segundo a intensidade e o relevo que se pretendía obter.
Tetera pertencente a un xogo de té infantil de forma labrada poligonal. Presenta decoración de ramitos illados no bandullo, consistentes nunha rosa, talos negros, follas verdes e capullos azul claro.
Na tapa pequenos ramitos con capullos azuis. O bordo do vertedor está fileteado en azul.
Pocillo de café de forma troncocónica con sinxela decoración floral: presenta dúas poliñas cunha flor vermello-carmín, talos negros e follas verdes esquemáticas. No interior, capullo azul con follas verdes.
Floreiro denominado de "cinco dedos" característico desta fábrica en todas as súas épocas que semella unha man aberta con base rectangular. O bordo dos dedos, ondulado, presenta un fileteado en negro. En cada dedo, unha poliña negra con follas verdes e unha rosa con capullo azul, que en nada se axusta co relevo que presentan os dedos en si.
No bandullo, gran cenefa de peonías vermellas unidas entre si por segmentos de talo negro, follas verdes e capullos azuis. Na base, en cada cara, un destes capullos azuis.
Floreiro do tipo denominado de "cinco dedos" moi característico de Sargadelos. Base rectangular con fío pintado en negro, do mesmo xeito que nas cinco bocas. Nos dedos, seguindo o relevo da peza, decoración a base de hojitas ou escamas superpuestas en azul. Abaixo, decoración de guirnaldo ou cenefa de flores vermellas e capullos azuis.
Prato de cunca de té ou xantar, bordo poligonal.
Decoración a base de filetes finísimos en azul cobalto que marcan as guardillas. Este sistema realizábase mecanicamente.
Tinteiro de forma poligonal, fáltalle a tapadeira. Presenta decoración "salpicada" en cor granate, realizada ao aplicar á peza bizcocheada a esponxa empapada en cor.
De forma cilíndrica con varios orificios na parte superior para a saída das areas secantes.
Presenta decoración "salpicada" en cor granate realizada mediante toques coa esponxa empapada en pintura.
De forma cilíndrica con varios orificios na parte superior para a saída das areas secantes.
Presenta decoración "salpicada" en cor granate realizada ao aplicar á peza bizcochada a esponxa empapada na cor.
Prato chairo de bordo poligonal e decorado con estampaxes en azul cobalto.
No centro gran escudo con diferentes cuarteis e a lenda: "SENOSIAIN/URRUTIA". Debaixo do escudo e en letra inglesa: "Pablo Abejón".
Completa a decoración, nas guardillas, orla do tipo chinesco de clara inspiración oriental e cenefa de roleos.
Prato de sobremesa de bordo poligonal e decoración de estampados en azul cobalto.
No centro, gran escudo con diferentes cuarteis e a lenda: "SENOSIAIN. URRUTIA". Debaixo do escudo e en letra inglesa: "Pablo Abejón".
Completa a decoración nas guardillas unha orla de tipo chinesco, de clara inspiración oriental e cenefa fina de roleos.
Prato de poste de bordo poligonal e decoración estampada en azul cobalto.
No centro: "SH" en letras góticas alemás moi comúns no século XIX.
Completa a decoración unha orla con flores, roleos e motivos chinescos e unha cenefa de roleos.
Prato sopeiro de bordo poligonal e decoración de estampados en azul cobalto.
No centro, gran escudo con diferentes cuarteis e a lenda: "SENOSIAIN. URRUTIA". Debaixo do escudo e en letra inglesa: "Pablo Abejón".
Completa a decoración nas guardillas unha orla de tipo chinesco, de clara inspiración oriental e cenefa fina de roleos.
Fonte ovalada chaira con bordo de ondas e decoración estampada en azul.
Nas guardillas, cenefa de flores (inflorescencias alternando con follas) sobre tul con sombreado e remate interior de cestería.
No centro, iniciais en letra inglesa "JRB" baixo as cales hai dúas palmas entrelazadas.
No tronco das letras o nome en maiúscula: JUAN/RON/BARREIRA.
Fonte redonda con pé e cuberta, fonda. Presenta dúas agarradoiras ou asas laterais (actualmente só unha) con forma vexetal e calados. O remate da tapa ten forma de argola con relevo vexetal: este relevo, a base de roleos e talos vexetais dáse na base, bordo da fonte e da tapa e remate desta e está repasado a pincel en azul. Na tapa e fondo da fonte as iniciais "R A" en letra gótica, letra moi empregada nas vaixelas desta época.
Almofía de bordo poligonal e decoración estampada en negro.
No centro, escudo do bispo de Mondoñedo, José Manuel Palacios, co capelo e a mitra.
Completan a decoración orlas de rosetas en alternancia con perlas no bordo e a base.
Cunca de té con decoración estampada en negro. O tema principal, situado á fronte do bandullo, é un escudo do bispo de Mondoñedo, D. José Manuel Palacios: o capelo e a mitra.
Completan a decoración orlas estreitas de rosetas alternando con perlas en bezo, rebezo, asa e bordo da base.
Prato chairo de forma poligonal. Presenta como única decoración un fileteado en negro no bordo e unha estreita orla de flores e perlas.
Na parte central, emblema coas armas do bispo de Mondoñedo, José Manuel Palacios.
Completa a decoración unha orla de rosetas e perlas alternando sobre campo sombreado e dobre filete no bordo.
Floreiro de cinco dedos (actualmente catro) imitando unha man aberta. Base rectangular. Os dedos presentan decoración en relevo, de superposición de follas a modo de escamas. Bordo ondulado.
Nos dedos aplicouse o pigmento verde e deixouse escurrir un pouco. Na base, cenefa vexetal en relevo decorada por un fino filete verde.
Decoración tipo "jaspeado" en negro, imitando as vetas da pedra.
A decoración derrámase por toda a superficie da peza percorrendo e cubríndoa totalmente.
Imita os produtos de Weedgwood.
Prato chairo de bordo poligonal. Decoración "veteada" en azul imitando o mármore, que se distribúe por toda a superficie sen destacar ningunha parte en especial. Imita a louza tipo Wedgwood.
Prato chairo de bordo poligonal. Decoración tipo "jaspeado" en negro imitando as vetas da pedra. A decoración esténdese por toda a superficie da peza sen restricións.
Imita os produtos de Weedgwood.
Salvadera de forma cilíndrica realizada dunha soa peza e decorada co tipo "jaspeado" en cor negra imitando as vetas da pedra.
A decoración recubre a peza na súa totalidade. Imita produtos da fábrica inglesa Weedgwood.
Xerra de pico de pato para tocador, con base octogonal. Decoración tipo "jaspeado" en negro imitando as vetas do mármore. A superficie está completamente cuberta coa decoración. Imita os produtos de Weedgwood.
Orinal de forma poligonal. Decoración tipo "jaspeado" en negro imitando as vetas da pedra. Esta decoración esténdese por toda a superficie da peza sen restricións e distribuída uniformemente. Imita aos produtos de Wedgwood.
Fonte ochavada, chaira, con decoración estampada marrón e iluminada con pincel a man.
Sobre a superficie repártense ramos de flores simétricamente: dous máis grandes nos lados menores consistentes en rosáceas vermellas e amarelas, flores da paixón verdes e outras pequenas azuis. Nos lados maiores, outros dous ramos máis pequenos compostos das mesmas flores máis campanillas. No centro, outro. Bordo: cenefa de rosetas e perlas.
Tapadeira de forma cuadrilonga con esquinas romas.
Agarradoira no centro, alongada con relevo floral. A ambos os dous lados, ramos de flores idénticos, estampados en marrón escuro con rosáceas e flores da paixón en vermello e azul. No bordo: cenefa de rosetas alternando con perlas sobre campo punteado.
Prato de café de bordo liso e decoración estampada en marrón e iluminada con diferentes cores.
O motivo decorativo é un ramiño de flores que se repite tres veces na superficie do prato: son flores da paixón, pintadas en verde e amarelo; campanillas, en azul, e outras flores en vermello (pouca destreza no iluminado).
No bordo, cenefa de rosetas e perlas en alternancia.
Prato sopeiro de bordo poligonal. Decoración estampada en marrón: no bordo, cenefa con alternancia de rosetas e perlas. Diseminados pola superficie do prato pero colocados simétricamente distribúense cinco ramitos de flores variadas (rosáceas, flores da paixón) debuxadas en marrón, iluminados delicadamente con brillantes cores: amarelo, verde, azul e vermello rosa.
Prato de poste de bordo liso con cenefa estampada ao bordo, que presenta decoración de rosetas alternando con perlas.
Diseminados por toda a superficie están sete ramos pequenos de florecillas: rosáceas, flores da paixón...
A estampaxe é marrón escuro e as flores foron iluminadas con cores: amarelo, rosa, verde e azul.
Prato sopeiro de bordo poligonal. Decoración estampada en marrón: no bordo, alternancia de rosetas e perlas.
Diseminados pola superficie do prato, pero colocados simétricamente, distribúense sete ramitos de flores, alternando uns máis grandes con outros pequenos. As flores que os compoñen son rosáceas, herbáceas e flores da paixón. O estampado é marrón pero están coloreadas con rosa, verde, azul e amarelo.
