Brazaletes e adornos de brazo

Entre as pezas que se empregaban como adorno de brazo destacan os brazaletes, unha tipoloxía que aparece desde a Idade do Bronce e que perdura no tempo ata o mundo castrexo-romano. Na colección do MPL salienta especialmente o brazalete de Ourense, posto que reflicte a tecnoloxía tipo Villena/Estremoz, a súa decoración ordenada en rexistros horizontais alterna molduras e filas de gránulos. Tamén son representativos os brazaletes gallonados como os de Moimenta (A Estrada, Pontevedra), que presentan seis gallóns formados ao repuxar polo reverso unha lámina áurea.