Gravado asinado por Matute que reproduce a Inmaculada Concepción do Prado, de Murillo, rodeada de serafíns e co crecente luar á altura da cintura. Marco en madeira dourada.
Litografía pintada e pegada sobre lenzo, réplica dun orixinal de Thure Nikolaus Cederström (1843-1924), "A luz do sol", que figura exposto no Cleveland Museum of Art. Representa a un monxe cartuxo na cela dun convento. Marco en madeira.
Fotografía en branco e negro do retrato ecuestre orixinal de Román Navarro (1854-1928) conservado no Museo de la Academía de Caballería de Valladolid. Marco en madeira tallada.
Gravado da casa L. Turgis que representa unha escena do Inferno; coa inscrición: "Apartaos de mi malditos al fuego que está aparejado para el diablo y para sus ángeles", lema incluído no Catecismo para os Párrocos do Concilio de Trento. Marco en madeira.
Gravado da casa L. Turgis que representa unha escena do Purgatorio e inscrición:"Nadie entrará en el reino de los cielos si no ha sido purificado de antemano", lema incluido no Catecismo para Párrocos do Concilio de Trento. Marco en madeira.
Fotografía dun escudo que se conserva no teito da iglesia de San Xillao de Tor, nel aparecen os apelidos: Quiroga de la Puebla, Garza de Castillón, Losada e Pardo. Marco en madeira con filete en dourado.
Fotografía a cor do escudo que se conserva no teito da iglesia de San Xillao de Tor. Donde aparecen os apelidos: Quiroga de la Puebla, Garza de Castillón, Losada e Pardo. Marco en madeira con filete dourado
Fotografía en branco e negro de Fernando Taboada de Andrés, de neno. Marco en madeira con catro aplicacións en bronce nas esquinas. Do estudio fotográfico de Ernesto Schreck Schültz, estabelecido en Ourense en 1922.
Gravado a cor, deseñado por Philippe Chéry (1759-1838) e litografiado por Jean Baptiste Morret (activo entre 1790-1820) que representa a escena do Calvario: Crucificado, San Xoán, a Virxe María e María Madanela aos pés da cruz. Marco en madeira.
Litografía coloreada (estampación e augatinta) que representa escena familiar de estética romántica nemorosa. Incompleta, pois carece de extremo dereito, trátase dunha obra do gravador Jean-Pierre Marie Jazet (1788-1871), Le Printemps, sobre un deseño do ilustrador Pierre Martinet (1781-18…) que formaba parte dunha serie de catro gravados dedicados ás estacións do ano saídas do prelo parisién de Basset o ano 1817.
Retrato fotográfico circular, tipo tondo, de Mª Paz Taboada. Marco en latón dourado, repuxado, decorado con cenefa de grilandas e pequenas esferas e un lazo no copete.
Fotografía coloreada de Mª Paz Taboada, toucada con mantilla, con sapo e pendentes dourados, asinada por Ksado. Marco ovalado en madeira sobredourada con orla superior de grilanda de rosas.
Fotografía en branco e nego de Mª Purificación de Andrés e Cuenca. Marco en madeira con aplicacións en bronce nas esquinas. Do estudio fotográfico de Ernesto Schreck Schültz, estabelecido en Ourense en 1922.
Gravado sobre papel do capuchiño Padre José Carabantes, orixinario de Carabantes (Soria) e falecido na vila de Monforte de Lemos, o ano 1694, onde está enterrado. A iconografía alude á súa labor evanxelizadora no Caribe, onde aprendeu a lingua dos indíxenas. Mesmo escribiu unha gramática para outros misioneiros.
Litografía da casa fundada por L. Turgis asinado por Koch que representa aos persoeiros implicados na guerra de Oriente. Marco en madeira. Os personaxes, até un total de 18, levan número arábigo que remite á lenda identificativa, na parte baixa do gravado, en cursiva. Son os seguintes: Napoleón III; Mariscal de San Arnaud; Hamlín; Parceval-Deschenes; Príncipe Bonaparte Napoleón ; a raíña María Vitoria, sentada, co cetro, e cun coxín coma repousapés; duque de Cambridge; señor Raglán; Dundas; Charles Napier; Medjid-Khan Abdul; Omer-Pacha; schamil; Kara-Fátima; Nicolás Emperador; Gortschakoff; Menschikoff; Paskewitch. Salientable o vestiario: uniformes do exército, os atributos da raíña, epicentro da composición, as armas digámoslle locais, como a lanza que porta Kara; o mobiliario, cunha gran mesa que distribúe aos persoeiros ao seu redor, e as bandeiras que pechan o fondo da composición.
Gravado que representa un reloxo cristián, devocionario da Paixón, ou Horario da Paixón, litografía do XIX presente nos devocionarios daquela época: entre a noite e o día ten repartida a Paixón de Noso Señor Xesucristo e as dores da Virxe. Marco en madeira.
Gravado coa imaxe de San Roque, a modo de estampiña devocional. Representa o seu tránsito. Baixo a iconografía habitual: no interior da cela de Vhogera, sentado sobre un banco, encadeado, vestido de peregrino, con chapeu no que loce a cruz aspada formada polas chaves de San Pedro propia dos romeiros, escraviña, o bordón e o can aos pés. O hábito deixa ver a característia chaga (e non bubón) pestilente na perna. Dous anxos na parte superior descobren unha filacteria con inscrición latina. Marco en madeira.
Litografía asinada polo gravador Pío Proja coa imaxe de Santiago Apóstolo, "Hispaniarum patroni imaginem". Segue un deseño de Rafael Sanzio ("Raf. Sanzio invento") baixo a iconografía de peregrino, cunha escena, ao fondo, que representa a inventio da tumba polo bispo Teodomiro. Doazón á basílica xacobea do cardeal e arcebispo Miguel Payá y Rico (1811-1891), polo que inclúe o seu escudo episcopal e lenda en latín conmemorativa. Marco en madeira.
Gravado litográfico que representa a Santa Rita. Viste hábito de monxa agostiña; unha palma e un crucifixo como atributos; sitúase baixo un conopeo con dúas cortinas abertas e dous nenos, un deles axeonllado, en actitude orante. Bordado todo en sedas de cores.
Litografía que representa a caída do sol nunha cidade en ruínas. Marco en madeira con apliques en bronce nas esquinas. É litografía asinada por Aquiles Parboni (que traballou para o "Real Establecimiento Litographico" entre 1838 e 1841) da obra orixinal de Claudio de Lorena que formaba parte da colección persoal de José de Madrazo, director da colección de litografías na que estaba incluída esta obra.
Gravado sobre papel que representa ao Papa León XIII, co seu correspondente escudo papal: De azur, un ciprés de sinople plantado nunha terraza do mesmo acompañado de dúas flores de lis de prata e no cantón dereito un cometa de ouro colocado en barra, unha faxa brochante de prata. Por Léon-Louis Chapon (1836-1918) a partir dun traballo de Étienne-Gabriel Boucourt (1821-1913), que o asinan. Abaixo, aclárase o nome secular do papa, camarlengo da S.I.R. cardeal Gioachino Pecci. Marco en madeira.
Cadro en pergamiño no que aparecen representados dous escudos heráldicos dispostos en aspa separados por unha cruz da Orde de Santiago e, arriba, un helmo e brazo armado na parte central. Marco en madeira. As armas correspóndense cos apelidos Taboada, Zúñiga, De Andrés, García e Cuenca, Garza, Valladares e Valcárcel.
Pergamiño realizado e escrito por D. Benxamín de Prado a plumilla: unha felicitación de voda ilustrada con escudos heráldicos da casa de Tor e da solaina do leste, con reminiscencias medievais e diplomáticas (pende un selo a modo de privilexio rodado, neste caso do Rei Alfonso XIII) dedicada a Mª Paz Taboada.
Cadro realizado por Benxamín de Prado a plumilla sobre pergamiño adicado a D.José Taboada de Zúñiga a modo de felicitación de santo. Con gran letra capitular, propia de libro iluminado, e cruz de Santiago.
Gravado que representa en dous paneis dúas escenas literarias ambientadas na Idade Media por identificar. Sobre pan de ouro e cristal. Marco en madeira dourada
Gravado sobre papel do célebre artista Ventura de Ágreda (1754-1786). Trátase dunha fe de hermandade concedida pola Orde franciscana a Francisco Losada Quiroga, a Francisca Bermúdez e ós seus irmáns. Asinada en San Diego de Valladolid, o 3 de marzo de 1789. Marco en madeira e estuco sobredourado con pan de ouro, rematado na parte superior cunha cuncha de vieira de gusto rococó.
Estampa a cor que representa ao pretendente ao trono pola facción carlista, don Carlos VII de Borbón, duque de Madrid. De pé, con boina roxa e uniforme militar azul, recórtase a figura sobre una paisaxe. Acompañado polo seu can, un gran danés chamado León. Marco en madeira dourada.
