"A VIRXE DE GUADALUPE"

Identificador

501/0/0-1-0

Título

"A VIRXE DE GUADALUPE"

Descripción

Óleo sobre lenzo que representa a imaxe de Nosa Señora de Guadalupe Estremeña, coroada, con veo acampanado que cae sobre os ombreiros, no seu camarín e trono de prata, co manto branco, cruzado por aparatoso colar e bordado de flores (caraveis brancos e vermellos, premonición da Paixón de Cristo) dúas andoriñas, e unha parella de ricos medallóns de acibeches encabuxados que penden de cadanseu lazo negro e branco; porta o cetro dourado con pedras preciosas, de acordo coa sonada descrición do "padre Talavera". Sen dúbida, unha vera effigies. Na parte superior dous anxos descorren as cortinas, en simulado tafetán roxo; na inferior outros dous tanxen instrumentos musicais, baixón e guitarra española, o que axuda a afinar a cronoloxía, pois o baixón foi desprazado da música sacra durante o XVII. Na peaña, a inscrición " NUESTRA Sª DE GUADALUPE". Próxima ao estilo das pinturas de fray Juan de Santa María, autor dos grandes lenzos do claustro do mosteiro de Guadalupe.

Formato

Oleo
Técnica: Oleo
Alto: 130
Ancho: 58,5

Procedencia

Salón do billar

Materia

Cadro

Obxectos de arte (OA)

Arte

Relixioso: Iconografía Mariana

Cobertura espacial

Estremadura?|Trujillo?

Cobertura temporal

Primeiro terzo s. XVII

Barroca

Mediador

MUSEO PAZO DE TOR (REDE MUSEÍSTICA PROVINCIAL DE LUGO)

Método de acumulación

Legado testamentario

Política de acumulación

Taboada de Andrés, Mª Paz

Fecha de entrega

19 de xan de 98

Fuente

Rafael Jesús López Guzmán, Pilar Mogollón Cano-Cortés, "La Virgen de Guadalupe de Extremadura. Iconografía andina I e II", Quiroga: Revista de Patrimonio Iberoamericano, Nº. 12 (Julio-Diciembre), 2017, págs. 46-57; José Antonio Ramos Rubio, "Iconografía

Fecha de creación

30 de dec de 99

Fecha de modificación

Simón Vicente (Revisor). 25 de out de 18

Estado de conservación

B

Restauración

Restaurada por Santiago Cobelo no 2022

Notas

Como tantas outras estremeñas (a de Tor é semellante ás conservadas en Trujillo, concretamente ás das parroquiais de San Francisco, que tamén ten paxaros bordados no manto, e San Martín), segue o gravado calcográfico de Pedro Ángel publicado na obra Historia de Nuestra Señora de Guadalupe.. De frei Gabriel de Talavera, publicada en Toledo o ano 1597. A imaxe sería difundida en América, no Perú, por frei Diego de Ocaña.